10 gjërat që i nevoiten një dhome

12.09.2014
10 gjërat që i nevoiten një dhome

1.     Një rrugice qe ju sjell rehati

Asgjë nuk e prish më shumë një mëngjes të lumtur (apo të përkeqësojë një mëngjes që ka qenë i keq) sesa të ngrihesh nga krevati dhe të shkelësh në një dysheme të ftohtë. Bëji vetes një nder dhe sigurohu që hapi yt i parë i ditës është i rehatshëm dhe i ngrohtë. Keni tapet në dhomë por jo një numër të mjaftueshëm? Merrni në konsideratë të shtroni një rrugicë të vogël në krah të krevatit, një ide e ngjashme me atë të dhomës në foto nga Adeeni Design Concept.
 
2.     Vendosni një temë

Të paturit një temë për dhomën do të ishte gjëja e parë që një fëmije do të bënte, por adultët tentojnë të t’i largohen idesë së temës gjatë dekorimit të dhomës së tyre. Edhe pse nuk është Spiderman apo Princeshë, tema nuk është vetëm një mjet unifikues, por edhe një mjet qetësues. Në këtë vilë të dizenjuar nga Timothy Whealon, vijat përdoren kudo (edhe në motovin e një krevati me 4 kolona) për të krijuar një prekje të efektshme por dhe pak melankolik. Vini re se si jo të gjitha janë e njëjta, gjerësi, ngjyrë apo dhe drejtim: Kjo e bën të duket ndryshe nga një krevat i thjeshtë me jastik mbi të.
 
3.     Vendosni numrin e duhur të jastikëve dekorativ

Si ta kuptojme këtë? Duhet të ketë mjaftueshëm jastikë sa krevati juaj të duket luksoz dhe mikpritës kur është rregulluar siç duhet...por jo aq sa të futesh në krevat të të kërkojë 10 minuta “zbarkim”. Sasia e duhur është 1-6 në varësi të madhësisë së krevatit tuaj. Ky shembull nga dizenjuesi Lindsey Coral Harper është i duhuri.
 
4.     Një vend për tu ulur (por jo në krevat)

Kjo dhomë e dizenjuar nga Robert Passal, ka më shumë sesa një çift. Një vend i mirë për t’u ulur do t’iu shërbente më së miri nëse dëshironi të lexoni (lexim gjatë së cilit nuk do donit që t’iu zinte gjumi), ose të bëni një bisedë më partnerin tuaj, bisedë të cilën do të ishte mirë mos ta zhvillonit në krevat. Gjithashtu mund të përdoret për të vendosur këpucët, ose nëse thyeni rregullin e jo-teknologji, ju mund të kontrolloni e-mailin tuaj nga një karrige që të paktën kjo thyerje rregulli të qëndrojë jashtë krevati.
 
5.     Jo teknologji në sfond

“Dhoma është për të fjetur. Çfarë ju duhet kur jeni duke fjetur? Jo një Blackberry,” thotë dizenjuesi Aurelien Gallet. Dhe kjo vlen dhe për televizorin gjithashtu: Do ju mbajë zgjuar më vonë seç është e nevojshme për të rënë në gjumë. Është e vështirë, veçanërisht në një botë shumë të lidhur, por nëse lini jashtë derës së dhomës çdo gjë teknologjike do të jeni më të lumtur. Një tjetër përparësi? Më shumë hapësirë për mobilje dhe orendi që ju i pëlqeni për pamjen që kanë sesa për mundësinë që ju japin për tu lidhur me botën online!
 
 
 
6.     Një koleksion të gjërave që ju pëlqeni

Nuk ka pse të jetë një etazher i mbushur si ai në figurë i dizenjuar nga Kelly Sutton, por një grumbull me pjesëza që do tju bëjë të buzëqeshni do të shkonte shumë me idenë e të dizenjuarit të dhomës ideale që do t’iu bëjë të ndiheni mirë. Një avantazh: do të ishte një mënyrë e mirë të përfshinit pjesëza që i keni blerë ndër vite, por që nuk po i gjeni një vend ku t’i vendosni. Sigurohuni që ato të ndeshin shikimin tuaj kur zgjoheni në mëngjes dhe të kryjnë qëllimin kryesor: T’ju bëjnë të lumtur.
 
7.     Një komodinë e rregulluar mirë

Po, një komodinë me të gjitha gjërat e nevojshme duket këndshëm, por kjo nuk është arsyeja e vetme që ju e shihni shpesh në revista apo blogje: Kombinimi i një kane me ujë, një libri të bukur, një vazo me lule dhe një abazhur ( siç duket dhe në foto në një dhomë të dizenjuar nga Lisa Gutoë) janë pajime të nevojshme për një gjumë të rehatshëm pas një ndërprejeje të tij.  Sa më shumë “ti” të duket aq më shumë do ju ndihmojë dhe do jetë një testament i jetës tuaj personale. Një shënim tjetër: kjo foto tregon vetëm një komodinë, por për balancë, sigurohuni të keni dhe një tjetër në krahun tjetër të krevatit, me të njëjtën ide rehatie.
 
8.     Një dyshek të mirë

Ju mund të keni çdo element të kësaj liste, por dhoma juaj nuk do të ishte e kompletuar pa një dyshek perfekt. Mbi të gjitha, nëse ju nuk siguroni orët e duhura të një gjumi të rehatshëm, nuk mund ta vlerësoni një dhomë të bukur. “Juve ju nevoitet një dyshek që ju mban të freskët dhe i jep mesit tuaj një mbështetje të mirë, “ thotë Ron Rudzin, CEO i Saatva Mattress. Dhe sigurisht, një që duket bukur me dhomën tuaj. Ai rekomandoi që të zgjidhni dyshekët dhe gjatësinë e tyre duke u bazuar jo vetëm në shtratin dhe kokën e krevatit tuaj, por edhe në gjatësinë e komodinave dhe parvazëve të dritareve. Një kokë e ulët e krevatit do të kërkonte nje model 30 cm, ndërkohë që parvaze të larta të dritares do të shkonin me diçka më të lartë, 37 cm.
Jeni në kërkim të një dysheku të ri? Rudzin thotë të shikoni për një model krahasimi: Çfare lloj çeliku është përdorur? Çfarë lloj sfungjeri? A janë sustat të mbështjella më vete, të cilat i përgjigjen më së miri trupit tuaj? Dhe nëse hezitoni të shpenzoni shumë për një dyshek të ri, mbani këtë në mëndje: Një dyshek me kualitet të lartë duhet të zgjasë 10-15 vjet. Një i lirë? Gjysmën e saj.
 
9.     Fotografi, por jo të famijes

Ju mund të keni sa fotografi të doni në dhomat e tjera të shtëpisë, por është e mira që artin e dhomës së gjumit ta lini më pak të ngarkuar emocionalisht. Foto elegante dhe qetësuese të kësaj dhome të dizenjuar nga Ryan White provokojnë ndnjenja të mira, siç bëjnë dhe foto familjare, por pa ju kujtuar njerëz të veçantë përgjatë kohës që përpiqeni të flini.
 
10.   Drama!

Edhe dhomat më të ndriçuara dhe më të gëzueshme kanë nevojë për element joshës të errët dhe seksi. Kjo dhomë e dizenjuar nga Windsor Decorating and Design ka këto cilësi: ngjyra e murit me “humor të rendë”, shandanët teatral, madje dhe një kokë krevati gri dhe e madhe. Por vini re sesi linjat e bardha dhe të pastra e bëjnë të duket shumë ndryshe nga një bordello: Kjo balancë është çelsi. Qëndroni me një ose dy pjesëza të errëta dhe do keni bërë kombinimin e duhur.  

Listings to be compared

    No listings added to the comparison table.