Ligji i ri i legalizimeve hyn në fuqi, nga 15 korriku fillon aplikimi

30.06.2015



Është botuar sot në Fletoren Zyrtare edhe ligji i ri për legalizimet i cili pësoi ndryshime në fillim të muajit.

Nga 15 korriku, procesit të legalizimit do t’i nënshtrohen në këtë mënyrë të gjitha ndërtimet pa leje deri më 27 qershor të 2014-s.

Miratimi i ndryshimeve i hap rrugë procesit të aplikimit për familjet që nuk e kanë bërë vetëdeklarimin. Pritet që në ditët në vijim ALUIZNI të shpallë procedurat, si edhe afatet e reja për dorëzimin e dokumenteve, duke mos penalizuar askënd që nuk ka përfituar nga faza e më- parshme e deklarimit.

Ndryshim është bërë edhe sa i takon sipërfaqes së truallit, për të cilin bëhet kalimi i pronësisë, ku është theksuar edhe një herë se për shtëpitë kalimi i pronësisë do të bëhet sa trefishi i bazës së ndërtimit, por jo më shumë se 500 m2. Ndërsa është veçuar fakti se për bizneset do të zbatohet vetëm kriteri i trefishit të sipërfaqes së bazës së ndërtimit.

Lehtësira krijohen edhe sa i takon regjistrimit të parcelës ndërtimore në Hipotekë.

Në ligjin e ri thuhet se për regjistrimin e pasurisë së legalizuar mund të zbatohen dispozitat e legjislacionit për regjimin pasuror martesor. Pra, secili nga bashkëshortët mund të vendosë mbi bazën e të ardhurave mujore që gjeneron, se në emrin e kujt do të bëjë regjistrimin e pronës. Sakaq, për shmangien e vonesave të tejzgjatura, me vendim qeverie do të përcaktohen kriteret për bashkërendimin e punës ndërmjet Hipotekës e ALUIZNI-t.

Njoftimet që do të krahasohen

    Nuk ka prona per tu krahasuar
    The account with the email address already exists on the site. To synchronize with Social Network Login plugin please enter the password to your account on the site.
    Anëtaresohu
    Përdoruesi
    Fjalëkalimi
    Keni harruar fjalëkalimin? Më kujto