Zgjidhje arkitektonike per te pastrehet
25.09.2015
Arkitekti i ri James Furzer, fitues i disa çmimeve të projektimit, ka nisur një fushatë të "crowdfunding" për të ndërtuar shtëpi për të pastrehët në Londër. "Shtëpitë" janë në të vërtetë kapsula të "stampuara" në muret e ndërtesave.
Projekti është quajtur "shtëpi për të pastrehët". Furzer tha se, edhe pse kjo nuk është një zgjidhje e përhershme për të zhdukur varfërinë nga jeta e këtyre njerëzve, të paktën kjo është një zgjidhje e përkohshme,për të përballuar motin e ftohët gjatë natës.
Rreth 750 njerëz flenë çdo natë në motin e ftohët në rrugët e Londrës, sipas një deklarate nga vetë artisti. Fushata është përcjellë nga faqja Indiegogo dhe qëllimi është për të mbledhur 7 mijë paund, rreth 9597 euro, për të filluar ndërtimin e këtyre prototipeve.