Kredia në lekë, më e preferuar për individët

Apr 25, 2014
Individët kanë arritur të marrin më shumë hua nga bankat për blerjen e një apartamenti gjatë muajve të fundit. Sipas statistikave mujore të Bankës së Shqipërisë, stoku i kredisë për pasuri të paluajtshme për individë në lekë në fund të muajit shkurt shënoi rritje për të disatin muaj radhazi, duke arritur në 36.4 miliardë lekë, me një zgjerim prej 0.4% në raport me një muaj më parë. Që prej muajit tetor huaja për shtëpi në monedhën vendase po njeh rritje të qëndrueshme, ndonëse me ritme të ngadalta. Ky zë përbën më shumë se gjysmën e totalit të huasë në lekë të dhënë për individët. Në krahasim me fundin e 2012-n, huaja për shtëpi në lekë në monedhën vendase është rritur me 10%. Në të kundërt kredia për shtëpi në euro, – dikur mjaft e preferuar nga individët për shkak të normave të ulëta të interesit dhe faktit që shtëpia shitej në monedhën evropiane – ka shënuar tkurrje të vazhdueshme. Sipas statistikave të Bankës së Shqipërisë, stoku i kredisë për shtëpi në euro arriti në 64.7 miliardë lekë në fund të shkurtit, me një tkurrje prej 0.4% me bazë mujore. Në krahasim me fundin e 2012-n, huaja për shtëpi në lekë në monedhën evropiane është ulur me 2%. Pas një lulëzimi në periudhë 2002-2008, ku kredia për pasuri të paluajtshme për individë në euro u rrit ndjeshëm, bankat frenuan pas krizës së 2009-s dhënien e huasë në këtë monedhë, për shkak të riskut të lartë të këmbimit që ajo kishte, duke qenë se individët, në pjesën më të madhe të tyre i kanë të ardhurat në lekë. Edhe individët panë një rritje të kësteve mujore, teksa tashmë një euro këmbehet me rreth 140 lekë, nga 124 lekë në vitin 2006.

Njoftimet që do të krahasohen

    Nuk ka prona per tu krahasuar
    The account with the email address already exists on the site. To synchronize with Social Network Login plugin please enter the password to your account on the site.
    Log in
    Username
    Password
    Forgot password? Remind