Nëse ju në këto momente jeni duke menduar për të shitur pronën tuaj, dhe jeni ende të pavendosur për çmimin që duhet të vendosni për shitjen e saj, në rradhë të parë ju duhet të jeni të qartë me veten tuaj nëse kjo shitje duhet të jetë e shpejtë apo është një veprim që mund të kryhet në një afat kohor të caktuar. Pra, mund të prisni apo jo për të shitur pronën ?.
Një shitje e shpejtë padyshim që ju kushtëzon në një çmim më të lirë se ai i tregut. Eshtë e veshtirë të koinçidojë një blerës i duhur, në momentin e duhur dhe me çmimin e kërkuar nga ju. Duhet të jeni të pregatitur që një shitje e përshpejtuar ju kushtëzon një çmim të lirë. Nëse ju keni kohë në dispozicion për të kryer transaksionin e shitjes, padyshim që gjindet blerësi i duhur për pronën tuaj por më parë ju duhet të bëni një vlerësim të saktë për vlerën e pronës
- Pikë së pari nisuni nga vlera që ju keni investuar në blerjen e pronës
- Kësaj vlere ju duhet ti shtoni ato investime që vlejnë edhe për blerësin. Mobilimi dhe aksesorë shtëpiakë janë të trajtueshëm lidhur me vlefshmërinë e tyre për blerësin.
- Llogarisni mirë detyrimet administrative që ju paguani ndaj shtetit në rast shitje
- Pyesni për çmimet aktuale të shitjeve në zonën tuaj. Ju nuk mund të dilni me vlera më të mëdha se ajo e vlerës së tregut.
- Krahasoni pozicionin e pronës tuaj lidhur me ato të fqinjëve. Në të njëjtin pallat jo ç’do pronë ka të njëjtën vlerë
- Orientohuni me këshillat për blerjen e një prone optimale. Vendoseni veten në pozitat e atij që don të blejë një pronë.
- Tregohuni transparent me veten tuaj dhe realitetin që prona juaj përfaqson. Mos pretendoni më shumë se ç’duhet. Kjo gjë mund t’ju humbasi shumë blerës
- Gjeni një agjent imobiliar profesionist dhe të besueshëm dhe ndiqni këshillat e tij.
- Urojini vetes fat dhe besim në këtë transaksion, dhe do t’a arrini qëllimin tuaj.