Vile ne shitje, Sale

Vilë në shitje-Tiranë
“Rolling Hills” 2 është një nga komplekset më të reja të vilave elegante dhe plot stil, vazhdimësi e suksesit të “Rolling Hills” 1, e cila do të ofrojë një arkitekturë të ndërthurur përsosmërisht me bukuritë natyrore përreth. “Rolling Hills” 2 shtrihet mes gjelbërimit të kodrinave të Lundrës vetëm 8 km nga Sheshi “Skënderbej”.
Rezidenca është e pozicionuar mes gjelbërimit, larg zhurmës së qytetit, gjë e cila ju garanton një jetesë të shëndetshme, komode dhe mjaft të qetë.
Projekti “Rolling Hills” 2 do të ofrojë 36 vila të cilat kanë një orientim shumë të mirë me qëllim shfrytëzimin maksimal të dritës natyrale. Distanca e konsiderueshme midis vilave do t’ju ofrojë rezidentëve të saj më shumë hapësira dhe pamje mahnitëse të zonës përreth.
Vila në shitje ka sipërfaqe parcele 804m2, sipërfaqe totale ndërtimi 774m2 ku sipërfaqja e katit përdhe është 271m2, sipërfaqja e katit të parë është 242m2, sipërfaqja e podiumit është 261m2 dhe sipërfaqe verande 16.2m2.
Vila është e organizuar në katin nëntokë në korridor, ambjent lojërash, tualet bashkë me dhomë garderobe, dhomë lavanderie, paradhomë, garazhd, dhomë gjumi, tualet dhe depo.
Kati përdhe në korridor, ambjent ndenje dhe ngrënie, ambjent gatimi, dhomë garderobe, dhomë gjumi, 2 tualete dhe verandë e mbuluar.
Kati i parë është i organizuar në korridor, dhomë matrimoniale bashkë me tualetin dhe dhomë garderobe, 2 dhoma gjumi, 2 dhoma garderobe, 2 tualete dhe verandë.
Për më shumë informacion ose një vizitë në pronë mos hezitoni të na kontaktoni!