Këshilli Kombëtar i Territorit miratoi edhe në mbledhjen e fundit një sërë lejesh ndërtimi për disa objekte me funksione të ndyshme. Mes lejeve të dhë nga KKT përfshihet dhe për 12 kulla të reja në Tiranë, pavarësisht akuzave për betonizimin e kryeqytetit.
Një prej lejeve për kullë i është dhënë kompanisë “Usluga” sh.p.k. të ish-deputetit socialist Sadri Abazi, i cili do të ndërtojë një kullë banimi me 40 kate mbitokë dhe 5 kate nëntokë dhe kullë hotelerie 25, 26 kate mbitokë dhe 5 kate nëntokë, në zonën e “Bulevardit të Ri” në Tiranë.
Po ashtu KKT ka dhënë dhe lejen për kullën “Tirana New Boulevard”, me kulla prej 41 dhe 44 katesh mbi tokë dhe 8 katesh nëntokë, që do të ndërtohet në zonën e Bulevardit të ri nga kompanitë “Smart Construction Invest” sh.p.k dhe “Progeen” sh.p.k.
Gjithashtu, një leje për kullë 40 katësheKKT e ka dhënë dhe për “Green Living Company” sh.p.k., që do e ndërtojë në rrugën “Kristo Luarasi”. Si dhe një leje për kullë 40 katëshe është dhënë dhe në rrugën “Muhamed Gjollesha” kompanive “Develalb Construction” sh.p.k dhe “Edonil Konstruksion” sh.p.k.
Këshilli Kombëtar i Territorit ka miratuar edhe lejen për portin e ri të Durrësit si dhe për pallatet që përfshin projekti i ri i “Durrës Yacht Marina”
- Leje Ndërtimi për objektin: “Marina & Jahtet e Durrësit, Faza 1, Punime Detare”, me vendndodhje në Bashkinë Durrës, me subjekt zhvillues shoqërinë “Durrës Marina” sh.a.
- Leje Ndërtimi për objektin: “Objekt banimi dhe shërbimesh me 1, 7, 8 kate mbitokë, 1 kat nëntokë në parcelën A01”, me vendndodhje në Bashkinë Durrës, me subjekt zhvillues shoqërinë “Durrës Marina” sh.a.
Këshilli Kombëtar i Territorit ka miratuar dhe disa leje për hotele dhe rezidenca në bregdetin e jugut, si tek “Green Coast Resort” i biznesmenti Samir Mane në Palasë, apo leje për hotele në Himarë dhe kompanisë “White Roads Hotel” të biznesmenit Florenc Gjikuria, si dhe kompanisë “Drymadhes Dream” të biznesmenit Julian Morina.